مقالب×مقالب

موضوع: مقالب×مقالب الأحد مارس 28, 2010 11:59 am

السلام عليكم ورحمة الله وبركاتة

كيفكم يابنات

اليوم جاتني فكرة وأتمنى تفاعلكم معي

الفكرة هي كل وحدة تكتب مقلب..

صار عليها ..

أو هي سوتة في أحد ..

أو قرأتة ..

أو سمعتة ..

وتقول لنا مصدرة

يلا أنا راح أبدأ

هذا المقلب قريتة في أحد المنتديات قبل سنتين تقريبا

يمكن أحد فيكم قد قرأه أو سمع عنه .

وهو : كان فية ثلاث شباب راجعين من رحلت

بر وهم في الطريق البري وقف السواق فجأة وقال يا فلان

(يقصد الي جالس وراء )

رح تأكد من شنطة السيارة( الدبة ) هي مقفلة ولا.. لا ؟

وبعد ما نزل حرك السيارة وراح مسافة بعيدة وخلوا المسكين في وسط البر إلى أن إختفوا عن الأنظار

وراح المسكين يمشي وينادي عليهم لاكن لاحياة لمن تنادي ..

بعد خمس دقايق لمحهم وهم مارين من قدامه ويضحكووووون عليه .. مقالب×مقالب Hahaha

ويكررون نفس الحركه أكثر من مرة ..

وخلوه يمشي ثلاثة كيلو أو أكثر , بعدين وقفوا عنده وركبوه في السيارة وهم ميتين من الضحك

على شكلة >>> مزح ثقيل .

ركب السيارة وهو تعبان وشاحب الوجة وأنقهر منهم ولا نطق بكلمة مقالب×مقالب Boom

وكان يقول في نفسة ( تضحك والله لأ رد لك الصاع صاعين) مقالب×مقالب 024

وفعلآ بعد فترة طويلة قرر يسوي رد للمقلب

وش سوا ؟؟ بعد ما ضبط الخطة راح يراقب البيت من بعيد ( بيت صديقه ) ..إلى أن طلع صديقة ،

بعد ما طلع وتأكد أنه راح مسافة ،

راح هو بيت صديقة ودق الجرس ، وردت زوجتة وقال لها : فلان موجود.

قالت : لا ..

قال : طيب الكروت وصلت وأنا بحطها عند الباب وقولي لفلان (زوجها) إني سويتها زي ما طلب مني وإذا فيه غلط يرجع لي وأنا أضبطها .

وراح ..

نزلت المسكينة وفتحت الباب ماهي فاهمة وش السالفة وفتحت واحد من 50 كرت ولقت مكتوب فيه ...

اللهم بارك لهما .. وبارك عليهما .. وإجمع بينها في خير

بمناسبة زواج الشاب /

فلان بن فلان ( زوجها ..)

على كريمة الشيخ /

فلان بن فلان آل فلان ( ناس معروفين .. من جماعتهم )

ندعوكم للحظور في يوم كذا بتاريخ كذا .......... إلخ مقالب×مقالب Icon28

<<<<<<مزح ثقل

المهم

رجع البيت المسكين , وحصل زوجتة في الصلة ولا بسة عباتها وشنطة ملا بسها بجنبها ... وجالسة تبكي وتمسح دموعها بالمنديل ..

وقال : فلانة وش فيك ؟؟ عسى ما شر ؟؟ مين مات ؟؟

سكتت ...

وقال : يابنت الحلال تكلمي .. قولي من مات ؟؟

قالت : محد مات .

قال : طيب وش فيك وش سبب هذا البكاء ؟؟

قالت : أنت السبب قولي أنا وش سويت ... أنا قد قصرت معك في شئ ..

لية تسوي فيني كذا لييييه ... يلا ودني بيت أهلي ولا عاد تكلمني ..

أنا عرفت كل شئ ولا عاد فية مجال .. إنك تبرر .

وحاول فيها يعرف السبب بس هي ما قدرت تتكلم من كثر ما تصيح ..

ووداها بيت أهلها ورجع البيت يمكن يحصل سبب للي صار ..

وفعلا وجد الكروت وصعق لانة متأكد

أنه مو هو الي سواها ..

وتأكد أن فيه أحد متسبب في هذي المشكلة .... فكر وفكر .. وتذكر المقلب إلي سواه في صديقة

قبل فترة و تأكد أنه هو .

أخذ التلفون مباشرة ودق على صديقة يسألة إذا كان له علاقة باللي صار .. لكنة أنكر .. وقال ياريت أقدر أسويها !!!

وطلع من البيت زي المجنون وقال بروح أصلي العصر بعدين أسأل زوجتي من فين جابتها ..

بعد ما صلى تفاجاء بالجيران كل شوي يجيه واحد ويبارك له ..!!!!

وطلع أن صديقة موزع النص الثاني من الكروت على الجيران .. يعني ال50 الباقية >>>> مصيييبة

وراح بيت أهل زوجته , وسألوه عن صحة الكلام وقال : أنه ما يعرف عن هذي الكروت شئ

وأن السالفة كلها كانت مقلب من أحد أصدقائه ..

طبعا ما صدقوه وقال خلاص أنا مستعد أجيب صديقي ويعترف لكم ..

طلع من عندهم ودق على صديقة وقال : يأخي أنا أشك أن لك يد في الموضوع ....

وأنكر و بشدة ودعاء الله أن يعينة على المشكلة الي هو فيها ...

قال : طيب تكفى خلنا نتقابل في أي مكان .. لعل وعسى أني أحصل عنك حل لهذي المصيبة ..

وافق وتقابلوا في مطعم ,

وقال له : تكفى تعال معي بيت زوجتي وقول لهم إنك أنت سويت هذا المقلب .. وإنك ما قصدت تأذي أحد ..

رد علية وقال : أكيد أنت تبغى توديني في داهية .. الأمر مو سهل ..

قال له : على الأقل مؤقت إلا أن يكشف راعي هذي المصيبة ... وقام يدعي عليه .. والصديق وقت الضيق ..

مقالب×مقالب Unhappy

ما قدر يرد عليه صديقة من قوة الضحك .. وقال أحس إنك بتبكي .

قال : تضحك هاه ... صدق الي يده في في النار مو مثل إلي يده في الموية.

رد عليه صديقه : هاه ...ألحين حسيت فيني يوم تركتني أنت وفلان في البر ..

والله مأنسى ذاك اليوم .. وتوعدت أني أرد لكم الصاع صاعين ..
وأن إلي سويت هذا المقلب لأنك تستاهل

مقالب×مقالب 024

ما عرفت أنت من أنا ..؟؟ علشان تغلط معي .

قال له : والله إنك داهية .. والله أني كنت شاك فيك من البداية ...

يلا .. يلا .. قم قم بسرعة خلنا نقول لهم ..

قال : ما بروح معك إلا بشرط ..

قال: وشو شرطك ؟؟

قال : أنك معد تعيدها لا معي ولا مع غيري ..

قال أوعدك وزين إني ما ذبحتك إلى الآن ..

وراحوا عند أهل الحرمة وأعترف الرجال و أعتذر ... وسامحوه

طلبو رضوة 20 ألف ..>> رب ضارة نافعة

مقالب×مقالب Hearts

وعادت المياة إلى مجاريها .

إن شاء الله تكون أعجبتكم وأستفدتم منها

تـٍـٍسسـٍلـٍميين ع ـٍآآلـٍموضـٍوع
ننـٍتـٍظر جـٍديـٍدك